31 июл 20:20
Янгиликлар

Теннис

Ҳумоюн Султонов Испаниядаги "Челленжер"да илк ўйинини ўтказди

Иқтидорли теннисчимиз Ҳумоюн Султонов Испаниянинг Сеговия шаҳрида ўтказилаётган "Челленжер" турнирида иштирок этмоқда.

Мукофот жамғармаси 69 280 еврони ташкил этувчи турнирда ҳамюртимиз иккинчи даврадан баҳсларга қўшилди.

Бугун Ҳумоюн турнирдаги илк учрашувини франциялик Антони Эскоффиерга қарши ўтказди. 2 соат 25 дақиқа давом этган ўйинда Ҳумоюн рақибига 6:1, 2:6, 6:7 ҳисобларида мағлуб бўлди.

Таққослаш учун Ҳумоюн айни пайтда жаҳон рейтингида 340, Эскоффиер эса 454-ўринни эгаллаб турибди.

Энди франциялик спортчи ярим финалга чиқиш учун мезбон теннисчи Карлос Болуда-Пуркиссга (426) қарши баҳс юритади.