28 июн 15:45
Янгиликлар

Теннис

Ҳумоюн Султонов Загреб турнири ғолиби!

Хорватия пойтахти Загреб шаҳри мезбонлик қилган М25 тоифасига кирувчи турнир ўзбекистонлик теннисчининг чемпионлиги билан якунига етди.

Қувонарлиси, мамлакатимизнинг иккинчи ракеткаси Ҳумоюн Султонов мусобақа бош совринини қўлга киритди. Ҳамюртимиз ҳал қилувчи финал учрашувида Шимолий Македония вакили Калин Ивановскини икки сетда ҳам бир хил ҳисобда мағлубиятга учратди - 6/4, 6/4. Бу теннисчиларнинг ўзаро ўтказган илк учрашуви эди.

Таққослаш учун, турнирда еттинчи рақам остида ҳаракат қилган Султонов айни пайтда ATP рейтингида 632, Ивановски эса 1147-поғонада бормоқда. Ҳумоюн мусобақа давомида рейтингда ўзидан юқорида турган турнирнинг биринчи ва тўртинчи ракеткаларини мағлуб этишга муваффақ бўлганди.