Ига Свёнтек мавсум якуни ҳақида: "Мен ёлғон гапирмайман"

Ига Свёнтек 2:6, 6:2, 1:6 ҳисобида Арина Собаленкрга мағлуб бўлганди.

"Арина шунчаки яхшироқ ўйнади, бу яққол билинди. Иккинчи сетда уни мағлуб этишни ва ундан устун туришни хоҳлардим. Аммо, учинчи сетда бу менинг ўйиним эмаслигини ҳис қилдим. Менимча, жуда хавфли ўйнадим. У ўз имкониятларидан унумли фойдаланди ва жуда яхши хизмат қилди", - деди Ига.

Шунингдек, у фаолиятидаги энг муваффақиятли мавсум якуни ҳақида гапирди. Бу йил Свентек ўтказилган 76 ўйиндан 67 тасида ғалаба қозонди. Шунингдек, у куч синашган сўнги 17 рақибасининг 15 таси Топ-10 таликдан жой олган. Ҳозирда у "Ролан Гаррос" ва US Open шунингдек, тўртта WТА 1000 кубоги соҳибаси ҳисобланади.

"Мен ёлғон гапирмайман, шу дақиқани кутган эдим. Марра чизиғини кўриш жуда қийин эди. Бу мавсум жуда шиддатли ўтди ва охиригача яхши ўйнаганимдан фахрланаман.  Бундан хурсандман", - дея қўшимча қилди теннисчи.