08 окт 10:38
Янгиликлар
Теннис
Ига Свёнтек Острава турнири 1/2 финалида
Чехиянинг Острава шаҳрида WTA турнири давом этмоқда.
Сайёрамизнинг биринчи рақамли теннис маликаси Ига Свёнтек бош соврин учун асосий даъвогар бўлиб турибди.
Польшалик теннисчи 1 соату 55 дақиқа давом этган чорак финал баҳсида дунёнинг 151-ракеткаси, америкалик Кэти Макнейлидан 6/4, 6/4 ҳисобида устун келди. Бу теннисчиларнинг ўзаро ўтказган илк учрашуви эди.
Свёнтек ҳам, Макнейли ҳам 2 тадан эйс зарбасини амалга оширган. Энди Ига Свёнтек ярим финалда Екатерина Александровага қарши кортга чиқади. Россиялик теннисчи чорак финалда чехиялик Тереза Мартинцовани мағлубиятга учратди.
Ҳавола :
Манба : gotennis
Фикрлар