Ига Свёнтекнинг Мадриддаги юриши бошланди

Тўғридан-тўғри иккинчи даврадан баҳсларга қўшилган польшалик теннисчи WTA рейтингида 92-поғонада бораётган австриялик Юлия Граберни ортиқча қийинчиликсиз 6/3, 6/2 ҳисобида мағлубиятга учратди.

Бу теннисчиларнинг ўзаро ўтказган илк учрашуви эди. Етмиш тўққиз дақиқа давом этган баҳсда Свёнтек ҳам Грабер ҳам биттадан эйс зарбаларини амалга оширишди. Энди Ига учинчи босқич учрашувида америкалик Бернард Перага қарши кортга чиқади. Пера ўз ўрнида германиялик Татьяна Марияни 6/1, 6/3 ҳисобларида мағлубиятга учратди.