III Ёшлар Осиё ўйинларида Ўзбекистон спорт делегациясига энг кўп медалларни қайси федерация тақдим этди?

Хабар берганимиздек, делегациямиз ушбу комплекс мусобақада 37 та олтин, 16 та кумуш, 28 та бронза, жами 81 та медаль билан умумжамоа ҳисобида 2-ўринни эгаллади. Терма жамоамизга энг кўп медалларни дзюдочиларимиз тақдим этишди. Жами 16 нафар дзюдочи билан қатнашган терма жамоамиз якунда 14 та медални қўлга киритди. Шундан тенг ярми олтин медаль бўлди. Дзюдочиларимиз яна 4 та кумуш ва 3 та бронза медалига эга чиқишди. 

Спорт турлари кесимида иккинчи ўринни Ўзбекистон спорт курашлари ассоциацияси ва Ўзбекистон оғир атлетика федерацияси эгаллади. Оғир атлетикачиларимиз ҳамда эркин, юнон-рум ва аёллар кураши вакилларимиз бир хилда 13 тадан медални қўлга киритишди. Тўртинчи ўриндан 10 та медаль билан боксчиларимиз жой олди. Энг ками велоспорт, сузиш ва жиу-житсу федерацияларига тўғри кеди - 1 тадан.