Икки Олимпиада лицензиантимиз Каспийскдаги турнир ғолиби бўлишди + ФОТО

Анъанавий тарзда ўтказиб келинаётган ушбу нуфузли мусобақада Токио Олимпиадасига лицензия олган курашчиларнинг аксарияти иштирок этди. Улар орасида Ўзбекистон терма жамоасининг икки аъзоси - Магомед Ибрагимов ва Жавраил Шапиев ҳам гиламга чиқди. 

 Хабарингиз бор, ҳар икки эркин курашчимиз ҳам Токио Олимпиадаси лицензиясини қўлга киритишган. Каспийскдаги мусобақа курашчиларимизга Олимпиада олдидан тайёргарлик вазифасини ўтаб берди. 

86 кг вазн тофасидаги беллашувларда юртимиз шарафини ҳимоя қилган Шапиев финалда доғистонлик Магомедшариф Биякаевни мағлуб этиб, олтин медаль соҳибига айланди. 97 кг вазнда курашган Ибрагимовнинг финалдаги рақиби, машҳур курашчи, тўрт карра жаҳон, тўрт карра Европа чемпиони, икки карра Европа ўйинлари ғолиби Абдулрашид Садуллаев жароҳати сабаб гиламга чиқмади.           

Ғолиб ва совриндорлар:

86 кг вазн тоифаси

1. Жабраил Шапиев (Ўзбекистон)

2. Магомедшариф Биякаев (Доғистон)

3. Владислав Валиев (РСО-Алания)

3. Хабиб Гаджиев (Доғистон)

97 кг вазн тоифаси

1. Магомед Ибрагимов (Ўзбекистон)

2. Абдулрашид Садулаев (Доғистон)

3. Хох Хугаев (РСО-Алания)

3. Можтаба Голейж (Эрон)