Илия Топурия: "Махачев билан учинчи камар учун жанг қилган бўлардим"

Маълумот учун, мазкур интервью Топуриянинг UFC турнирида Жастин Гэтжига мағлуб бўлишидан олдин олинган бўлиб, кеча эълон қилинди.

"Мен Махачев билан учинчи камар учун жанг қилган бўлардим. Агар Ислам ярим ўрта вазнда чемпион бўлиб турса ва UFC менга қўнғироқ қилса, бу имкониятдан фойдаланаман. Агар бундай бўлмаса, ўз вазнимда қоламан.

Ғалаба қозонишимга 100 фоиз ишонаман. Мен болалигимдан кураш билан шуғулланганман, гилам устида улғайганман. Махачевни партерга ўтказиш, назорат қилиш, кейин эса тик турган ҳолатда у билан алмашиш мен учун муаммо эмас. Уни қандай мағлуб этишни биламан, бошимда аниқ стратегия бор. Унинг деярли барча жангларини кўрганман ва заиф томонларини биламан. Балки у мени аввалги рақиблари билан адаштираётгандир, аммо мен Дэн Хукер ёки бошқа йигитлар каби эмасман", — деди Топурия.