Илия Топурия судга чақирув билан боғлиқ вазиятга ойдинлик киритди

Оиладаги зўравонликка қарши ҳаракат фаоли Топурия (бу унинг гиёҳвандликка қарши тарғибот ва Фаластин давлатчилигини расман тан олиш учун кураш билан бир қатордаги ижтимоий фаолиятининг асосий йўналишларидан бири) суднинг номидан қатъи назар, унинг чақируви ушбу жиноятдаги айбловлар билан боғлиқ эмаслигини таъкидлади.

"Мени ҳеч қачон ушбу сабабга кўра кўрсатма бериш учун чақиришмаган, - дейилади чемпионнинг баёнотида. - Мен айнан шу судга келишим керак, чунки бизнинг суд тизимимиз шундай тузилган. Аммо чақирув фақат қизимнинг Испаниядан ташқарига чиқиши билан боғлиқ оилавий ва маъмурий масалалар билан боғлиқ".

Эслатиб ўтамиз, Топурия ҳозирда рафиқаси Жоржина Узкатеги билан ажрашиш жараёнида. Баёнотда у ажрашиш ташаббуси рафиқасидан эмас, балки ўзидан чиққанини таъкидлаган.

Ажралиш жараёни туфайли Илия Топурия камида баҳор бошланишига қадар спорт фаолиятида танаффус қилишга қарор қилди. Шу сабабли UFC енгил вазн тоифасида вақтинчалик чемпионлик камари учун Пэдди Пимблетт ва Жастин Гэтжи ўртасида 24 январь куни бўлиб ўтадиган жангни белгилади.