Ирен Вюст янги рекорд ўрнатиб, олтинчи бор Олимпиада чемпионига айланди

Нидерландиялик 35 ёшли Ирен Вюст Пекин Олимпиадасининг конькида 1500 метр масофага югуриш баҳсларида олтин медални қўлга киритди.

Ғолиб бу масофани 1 дақиқа 53,28 сонияда босиб ўтиб, Олимпиаданинг янги рекордини ўрнатди. Вюстдан 0,44 сонияга ортда қолган япониялик Михо Такаги иккинчи, нидерландиялик Антуанетта де Ёнг эса учинчи бўлди.

Бу билан Вюст Олимпия ўйинлари тарихида коньки спорт турида олтин медаллар сони бўйича рекордчи Лидия Скобликовага етиб олди. Эндиликда унинг ҳисобида 6 та олтин, 5 та кумуш ва битта бронза медали бор. 

Бу спортнинг ушбу тури бўйича аёллар ўртасидаги умумий совринлар сони бўйича ҳам рекорд натижа ҳисобланади. Бундан ташқари, Вюст Жаҳон чемпионатида индивидуал йўналишда 15 бор, кўпкурашда эса еттита олтин медални қўлга киритган.

Вюст бундан аввал Турин 2006 (3000 м), Ванкувер 2010 (1500 м), Сочи 2014 (3000 м ва жамоа) ва Пхёнчхан 2018 (1500 м) Олимпиадаларида ғалаба қозонган.

Олимпиада 2022. Конькида югуриш. Аёллар. 1500 м

1. Ирен Вюст (Нидерландия) — 1.53,28
2. Михо Такаги (Япония) — 0,44
3. Антуанетта де Йонг (Нидерландия) — 1,54...