"Ишонаман, Хабиб енгилмас жангчи бўлиб спортдан кетади"

"Жастинни нимага Хабиб учун жиддий рақиб дея ҳисоблаётганликлари учун сабаблар кўп. Биринчидан, у курашда яхши ҳимояланади. У юқори савиядаги курашчи. Биламан, у ҳужум қилиш учун бу услубдан кўп фойдаланмайди, бироқ у юқори даражали курашчи. 

Унинг бокс ва зарба бериш кўникмалари ҳам яхши. Фантастик чидамлилик. Бу Хабиб учун жуда ва жуда қийин жанг бўлади. 

Шу ўринда, Хабиб Нурмагомедовни мен спорт тарихидаги энг етакчи спортчи деб ҳисоблайман. Биламан, ушбу ном учун бошқа номзодлар ҳам бор. Лекин хеч ким жангларни у каби осон ўтказмайди. 

Ишонаманки, у спортни енгилмас жангчи сифатида тарк этади. Буни яқин орада амалга оширади. 28-0. У хато қилмаган. UFCда 12-0. У UFC тарихидаги энг етакчи жангчи", - деди Кормье. 

Эслатиб ўтамиз, Кормье 15 август куни Миочичга қарши жанг ўтказади. Хабибнинг Жастин Гэтжига қарши жанги эса 24 октябрда ташкил этилади.