Ислам Махачев кейинги жангидаёқ UFC камарини қўлга киритиши мумкин

Доғистонлик яккакураш устаси ушбу муваффақиятидан келиб чиқиб, кейинги жангидаёқ UFC камари учун жанг қилишга умид қилмоқда.

"Шанба оқшоми ва декабрь ойида менинг вазн тоифамда иккита муҳим, фаолиятим учун аҳамиятли жанг бўлиб ўтади. Кўп нарса айнан шу икки жангнинг натижасига боғлиқ бўлади. Яхши ҳолатда менда кейинги жангимдаёқ UFC камари учун октагонга чиқиш имконияти юзага келади. Мен анчадан бери бу кунни кутяпман. Ўтказган жангларим ва қозонган ғалабаларимдан келиб чиқиб, чемпионлик жангига ҳақлиман деб ўйлайман", - деди Махачев. 

Ислам айтган жангларнинг дастлабкиси бизнинг вақт билан эртага тонгда Майкл Чендлер ва Жастин Гэйтжи ўртасида бўлиб ўтади. Ғолиб камар учун даъвогарга айланади. Чемпион Чарльз Оливейра эса 11 декабрь куни даъвогар Дастин Порьедан камарини ҳимоя қилади. Агар Чендлер ғалаба қозониб, Оливейра камарини ўзида сақлаб қолса, Махачевнинг имкониятлари кескин ошади.