Ислам Махачев Маддаленанинг "вызов"ига "ответ" қилди

Австралиялик янги чемпион келиб чиқиши фаластинлик бўлган Белал Муҳаммадни очколар бўйича мағлуб этган ва жангдан кейин енгил вазн чемпиони Ислам Махачевга "вызов" ташлаганди. Россиялик аралаш яккакураш устаси бу чорловнинг жавобини узоқ куттирмади. 

"Иккиталик чемпион бўлиш фурсати келди. Олға!", – дея ўзининг ижтимоий тармоқдаги саҳифасида хабар қолдирган Махачев.

Шунингдек, Ислам илк камар ҳимоя жангидаёқ чемпионлик унвонидан маҳрум бўлган дўсти Белални ҳам қўллаб-қувватлади. 

"Белал, бошингни тик тут, чемпион", – деган Ислам.

Агар бугун Муҳаммад чемпионлик камарини муваффақиятли ҳимоя қилганида Махачев енгил вазнда қолиб, 28 июнь куни Лас-Вегасда Илия Топурияга қарши октагонга чиқарди. Энди Топурия вақтинчалик камар учун бразилиялик Чарльз Оливейрага қарши жанг ўтказади. Ислам эса икки вазн чемпиони бўлиш учун уриниб кўради.