Ислам Махачев навбатдаги рақиби ким бўлишини тахмин қилди

Чемпионлик учун асосий даъвогар Чарльз Оливейра ва Бенил Дариуш ўртасидаги жанг ғолиби бўлади. Махачев бу қарама-қаршиликда америкалик ғалаба қозонишига умид қилмоқда.

"Умид қиламанки, Бенил ғалаба қозонади, чунки мен Оливейрани аллақачон мағлуб этганман. Менга янги рақиб керак! Дариушнинг стойкаси ва кураш бўйича маҳорати яхши, шунинг учун ҳам яхши жанг бўлади. Аммо Оливейра ғалаба қозонса ва яхши жанг намойиш этса, балки навбатдаги рақибим у бўлар. Аниқ билмайман", - деди Махачев.

Конор Макгрегор ва Майкл Чендлер ўртасидаги жангга келсак, агар Конор ғалаба қозонса ва ташкилот уни навбатдаги даъвогар деб атаса, Махачев ирландияликка қарши чемпионлик камарини ҳимоя қилишга тайёр.

"Уларнинг иккаласи ҳам ақлли йигит. Конор Чендлерни танлади, Майкл аввалроқ атайлаб мағлуб бўлган эди. Сабаби, у бир-икки жангда ғалаба қозонганида Макгрегор билан жанг ҳеч қачон бўлмасди. Албатта, Чендлер атайлаб мағлуб бўлди, у кўча жангчиси каби курашди ва хоҳлаган нарсасига эришди.

Конор Майклни мағлуб этган тақдирда ҳам чемпионликка лойиқ эмас. Лекин агар UFC шуни хоҳласа жанг бўлади. Яхши пул ишлаймиз — олға! Мен UFC қўнғироқ қилишини кутяпман. Дана, менга қўнғироқ қил, тайёр бўламан!", - дея қўшимча қилди Махачев.