Ислам Махачев учун энг хавфли рақиб айтилди

Мутахассиснинг сўзларига қараганда, россиялик чемпион учун UFC вазнлилар рейтингида тўртинчи ўринга кўтарилиб олган Арман Царукян энг бошоғриқ рақиб экан.

"Царукяннинг сўнгги жанглари унинг Исламни мағлуб эта олишига мени ишонтиришга мажбур қиляпти. Очиғи, енгил вазн тоифасининг ҳозирги ҳолатидан ҳайратдаман. Ўйлайманки, UFC раҳбарлари Ислам ва Арман учун реванш жанги ташкил қилиб беришади. Царукян ҳозирча ўзи эришган муваффақиятга лойиқ кўрилмаяпти. Унинг ҳисобида учта ғалабадан иборат серия бор. Ҳа, у Гамротга ютқазди, лекин ўша жанг жуда яқин бўлганди. Арман Обин-Мерсье, Дэви Рамос, Мэтт Фревола, Кристос Гиагос, Хоэл Альварес, Дамир Исмагулов, Хоаким Сильва, Бенил Дариушни мағлубиятга учратди. Ҳозир дивизионда Ислам мағлуб этишга қодир Царукяндан бошқа жангчини кўрмаяпман", – дея Захабининг сўзларини келтиради MMA News.

Эслатиб ўтамиз Арман Царукяннинг аралаш яккакурашдаги профессионал рекорди 21 ғалаба ва 3 мағлубиятни ташкил этади. У якшанба тонгида АҚШнинг Остин шаҳрида ўтказилган UFC on ESPN 52 турнирида Бенил Дариушни биринчи раунддаёқ нокаутга учратган эди. 2019 йилда Царукян Ислам Махачевга очколар ҳисобига кўра имкониятни бой бериб қўйганди.