Ислом Болтаев: "Ягона вазифам - Ўзбек халқига яна бир камарни келтириш!"

Мазкур ММА кечасининг марказий жангида октагонга чиқадиган ўрта вазнли ўзбекистонлик жангчи Ислом Болтаев озарбайжонлик Гундуз Набиевга қарши кечадиган вақтинчалик чемпионлик жанги олдидан ўз фикрлари билан ўртоқлашди:

"Гундуз болалар боғчаси қилиб юборди. Агар тайёр бўлмаса, жангга чиқмаслик керак. Мен ҳам ёмон формада эдим (биринчи жанг назарда тутиляпти - olamsport.com) лекин мен чиқдим ва уни нокаутга учратдим. Кўп гапирмайман, мени олдимда ягона вазифам бор - Ўзбек халқига яна бир камарни келтириш!", - деди Ислом Болтаев.

Эслатиб ўтамиз, бу жангчилар ўртасидаги иккинчи тўқнашув бўлади. Бундан аввалги жангда ҳамюртимиз Ислом Болтаев Гундуз Набиевни муддатидан олдин мағлуб этган эди. Бугунги мусобақа Тошкент вақти билан 19:00 да бошланади.