28 мар 14:26
Янгиликлар

Бокс/ММА

Исраэль Адесанья Брюс Лини зиёрат қилди + ФОТО

Ўрта вазнда собиқ UFC чемпиони Исраэль Адесанья асли гонконглик жанг санъати устаси, киноактёр, режиссёр, сценарий муаллифи ва продюсер Брюс Ли қабрини зиёрат қилди.

Брюс Лининг қабри Вашингтон штатининг Сиэтл шаҳридаги Lake View қабристонида жойлашган. Шунингдек, бу қабристон "Сиэтл пионерлари" дафн этилган жой деб ҳам аталади. Сан-Францискода туғилганига қарамай, Брюснинг фаолияти айнан Вашингтон штатидаги шаҳарда бошланган. Актёрнинг ёнида унинг ўғли - "Қарға" ("Ворона") фильмининг суратга олиш жараёнида фожиали ҳалок бўлган Брендон Ли ҳам дафн этилган.

Эслатиб ўтамиз, 36 ёшли нигериялик эртага тонг саҳарда Сиэтлда бўлиб ўтадиган UFC Fight Night турнирининг асосий жангида америкалик Жо Пайферга қарши октагонга чиқади.