Исраэль Адесанья кечаги нокаутли мағлубиятига изоҳ берди

Нигериялик аралаш яккакураш устаси кеча Саудия Арабистони пойтахти Ар-Риёд шаҳрида ўтказилган UFC Fight Night 250 турнирининг асосий жангида асли келиб чиқиши доғистонлик, бир неча йилдан бери Франция шарафини ҳимоя қилаётган Нассурдин Имавовга нокаут эвазига мағлуб бўлди. 

"Мен ҳозир дам олишим керак. Кейин келажагим ҳақида ўйлаб, бир қарорга келаман. Ҳозирча жамоамдаги жангчиларга ёрдам бериб тураман. Мен ҳар қандай ҳолатда якуний қарорга келаман. Бу мағлубиятдан кейин вазият тезлашиб кетса керак. Жанг учун Нассурдинга раҳмат", — деди Адесанья UFC Fight Night 250 турниридан кейинги матбуот анжуманида.

Маълумот учун, Исраэль Адесанья Нассурдин Имавовдан олдин Шон Стрикленд ва Дрикус Дю Плесисга ҳам имкониятни бой берганди. Унинг сўнгги ғалабаси 2023 йилнинг 8 апрель куни бўлиб ўтган UFC 287 турнирига тўғри келади. Ўшанда у Алекс Перейрани нокаут эвазига таслим этганди.