27 июн 13:01
Янгиликлар

Теннис

Истбурн. Кики Бертенснинг юриши давом этади

Сайёрамизнинг тўртинчи рақамли теннис маликаси Кики Бертенс Истбурн шаҳрида ўтказилаётган мусобақанинг чорак финалига чиқди.

Голландиялик теннисчи нимчорак финал баҳсида германиялик Анна-Лена Фридзамга қарши баҳс олиб борди. Кики 1 соату 31 дақиқа давом этган учрашувда рейтингнинг 356-поғонасидан жой олган рақибасини 6/3, 6/3 ҳисобида таслим этди.

Бертенс ўзаро учинчи учрашувда ҳам 25 ёшли Фридзамдан устун келди. Энди Кики Nature Valley International турнирининг чорак финалида беларуслик Арина Соболенкога қарши кортга чиқади. Арина учинчи даврада даниялик Каролин Возняцкини мағлубиятга учратган.