20 май 18:50
Янгиликлар

Теннис

Истомин 11 йилдан буён илк маротаба "Улкан тож"нинг асосий даврасида иштирок этмайди

Бугун Ўзбекистоннинг биринчи ракеткаси Денис Истомин "Ролан Гаррос" турнирининг саралаш босқичига германиялик Дастин Браунга ютқазиб қўйди.

Бу орқали Денис мусобақанинг асосий даврасида иштирок этиш имкониятидан маҳрум бўлди. Истомин 2009 йилдан буён узлуксиз равишда "Улкан тож" туркумидаги мусобақаларда иштирок этиб келаётганди.

Маълумот учун, "Улкан тож" туркумидаги мусобақалар тўртта ҳисобланади. Улар қаторига Австралия очиқ чемпионати, "Ролан Гаррос", "Уимблдон" ва АҚШ очиқ чемпионати киради.