04 авг 18:27
Янгиликлар

Теннис

Истомин Австриядаги мусобақада вице-чемпион бўлди

Ўзбекистоннинг биринчи ракеткаси Денис Истомин Австриянинг Китцбюэль шаҳридаги ATP-250 мусобақасида финалгача етиб борганлиги ҳақида хабар қилгандик.

Бугун теннисчимиз турнир финалида словакиялик Мартин Клижанга қарши ўйин ўтказди.

Афсуски, 1 соат 9 дақиқа давом этган ўйинда Денис 2:6, 2:6 ҳисобларида имкониятни бой берди ва турнир вице-чемпионига айланди.

Қайд этиб ўтиш лозимки, Истомин ушбу мусобақа орқали 47 105 евро мукофот пули ҳамда 156 рейтинг очкосини қўлга киритди. Маълумот учун, истомин фаолияти давомида тупроқли кортдаги мусобақаларда илк маротаба финалгача етиб кела олди.