14 сен 17:31
Янгиликлар

Теннис

Истомин Истанбул турнирининг финалида ўйнайди!

Туркиянинг Истанбул шаҳрида ўтказилаётган теннис бўйича “Челленжер” туркумига кирувчи турнир ўз якуни сари яқинлашмоқда.

Бундан бир неча дақиқа аввал Ўзбекистоннинг биринчи ракеткаси Денис Истомин мусобақанинг ҳал қилувчи финал учрашувига йўл олди. Ҳамюртимиз ярим финалда голландиялик Ван де Зандшульпга қарши баҳс олиб борди.

Турнирда бешинчи рақам остида таснифланган Денис 1 соату 57 дақиқа давом этган баҳс якунида рақибини 6:3, 3:6, 6:3 ҳисобида доғда қолдирди. Энди эртага Истомин бош соврин учун учрашувда франциялик Уго Умберга қарши кортга чиқади. Турнирнинг биринчи ракеткаси бўлган Умбер ярим финалда Блаж Кавчични 6:2, 6:1 ҳисобида енгди.

Таққослаш учун, Зандшульп ATP рейтингида 340, Истомин 182, Умбер эса 72-ўринни эгаллаб турибди.