30 апр 21:09
Янгиликлар

Теннис

Истомин Мюнхен турнирининг асосий даврасида кортга чиқди

Ўзбекистоннинг биринчи ракеткаси Денис Истомин бундан бир неча дақиқа аввал Мюнхендаги мусобақанинг асосий тўрида илк учрашувини ўтказди.

Ушбу баҳсда ҳамюртимизга италиялик Маттео Берреттини рақиблик қилди. Асосий тўрга саралаш баҳслари орқали етиб келган Денис кучли рақибига 1 соату 35 дақиқа давом этган учрашув якунида 6:7(5), 3:6 ҳисобида ютқазиб қўйди.

Таъкидлаш жоиз, биринчи сетда Истомин рақиб геймида сетболга эга бўлганди. Лекин бу имкониятдан фойдалана олмади. Натижада руҳий устунлик Маттео томонига ўтиб кетди. Денис айни пайтда жаҳон рейтингида 106, Маттео эса 37-ўринни эгаллаб турибди.