25 июл 18:45
Янгиликлар
Теннис
Истомин Швейцариядаги мусобақада 26-ракеткага қарши ўйнади
Швейцариянинг Гштаад шаҳрида теннис бўйича эркаклар ўртасида ATP 250 туркумидаги мусобақа давом этмоқда.
Ўзбекистоннинг биринчи ракеткаси Денис Истомин турнирнинг иккинчи даврасида сербиялик Душан Лайовичга қарши ўйин ўтказди.
2 соат 26 дақиқа давом этган ўйинда афсуски Денис рақибига 4:6, 7:6 (2), 6:7 (2) ҳисобларида ютқазиб қўйди ва мусобақадаги иштирокини якунлади.
Қайд этиш лозимки, Денис иккинчи сетда 2:5 ҳисобидаги матчболдан чиқиб кетиб, сетни ўз фойдасига ҳал қилди. Аммо якунда барибир омад сербиялик теннисчига кулиб боқди.
Таққослаш учун, Истомин айни пайтда жаҳон рейтингида 107, Лайович эса 26-ўринни эгаллаб турибди. Лайович мусобақада учинчи ракетка сифатида сараланганди.
Ҳавола :
Манба : olamsport.com
Фикрлар