Истоминни хафа қилган Берреттинининг юриши давом этади

Италиялик теннисчи Маттео Берреттини Мюнхен турнирининг ярим финалига чиқди. Дунёнинг 37-ракеткаси бўлиб турган 23 ёшли Маттео чорак финал учрашувида германиялик 35 яшар Филипп Кольшрайбердан устун келди - 4/6, 7/5, 6/4.

Маълумот учун, италиялик теннисчи ушбу мусобақанинг илк даврасида саралаш баҳслари орқали асосий тўрга етиб келган ҳамюртимиз Денис Истоминни 7:6(5), 6:3 ҳисобида мағлуб этган эди. Энди Берреттини BMW Open турнирининг ярим финалида испаниялик Роберто Баутиста-Агутга қарши кортга чиқади.