03 май 07:42
Янгиликлар

Теннис

Истоминни ютган Берреттини чорак финалга чиқди

Германиянинг Мюнхен шаҳрида теннис бўйича нуфузли ATP турнири давом этмоқда.

Дунёнинг 37-ракеткаси Маттео Берреттини иккинчи давра учрашувида ҳам ғалабага эришди. Италиялик теннисчи америкалик Денис Кудлага қарши кортга чиқди. Маттео 1 соату 19 дақиқа давом этган баҳсда рейтингнинг 82-поғонасидан жой олиб турган рақибини 7/5, 6/3 ҳисобида мағлуб этди.

Берреттини илк босқичда асосий тўрга саралаш баҳслари орқали етиб келган ҳамюртимиз Денис Истоминни 7:6(5), 6:3 ҳисобида таслим этган эди. Энди Маттео BMW Open турнирининг чорак финалида германиялик Филипп Кольшрайберга қарши кортга чиқади.