Жаҳон чемпионати. Эркин курашчимиз бронза учун жангда иштирок этади

-74 кг вазн тоифада жанг қилувчи курашчимиз Бекзод Абдураҳмонов уч нафар рақибини мағлубиятга учратиб, ярим финалга йўл олганди. Ярим финалда у Олимпиада чемпиони, уч карра ЖЧ олтин медали соҳиби ҳисобланган америкалик Жордан Барроузга қарши гиламга чиқди. Муросасиз кечган жангда вакилимиз 5:6 ҳисобида имкониятни бой бериб қўйди. Энди у бугун кечки дастурлардан ўрин олган жангда бронза медали учун курашади. Унга бронза медали учун жангда франциялик ёки белоруслик курашчи тўқнаш келади.


Таъкидлаб ўтиш лозимки, Бекзод Рио Олимпиадасида Барроузни 11:1 ҳисобида мағлубиятга учратишни уддасидан чиққанди.

-97 кг вазн тоифасида чорак финалга чиққан Магомед Ибрагимов эса арманистонлик Гергий Кетоевга 2:12 ҳисобида ютқазиб қўйди. Унинг рақиби финалга чиқа олмагани сабабли, курашчимиз бронза медали учун кураша олмайди.