11 ноя 15:58
Янгиликлар

Спорт курашлари

Жаҳон чемпионати совриндори Арам Варданянни табриклаймиз!

Бугун спорт курашлари бўйича Ўзбекистон терма жамоаси аъзоси, юнон-рум курашчимиз Арам Варданян ўз таваллуд айёмини нишонламоқда.

Арам Варданян 1995 йил 11 ноябрь куни дунёга келган. Юнон-рум кураши бўйича ўсмирлар ва ёшлар ўртасидаги жаҳон чемпионатлари, қатор халқаро мусобақалар ғолиб ва совриндори, икки карра Осиё чемпионати бронза медали соҳиби ҳисобланади. 2019 йил Қозоғистоннинг Нур-Султан шаҳрида ўтказилган жаҳон чемпионатида -72 килограмм вазн тоифасида кумуш медални қўлга киритган.

Ўзбекистон Миллий олимпия қўмитаси, Ўзбекистон Спорт курашлари ассоциацияси раҳбарияти, мураббийлар, ҳакамлар, курашчилар Арам Варданянни бугунги таваллуд айёми билан табриклаб, унинг келажакдаги фаолиятида янада улкан муваффақиятлар тилайди.