31 июл 12:02
Янгиликлар
Спорт курашлари
Жаҳон чемпионатида 4 та олтин медаль қўлга киритилди. Юнон-рум курашчиларимиз умумжамоа ҳисобида иккинчи бўлишди
Грециянинг Афина шаҳрида давом этаётган спорт курашлари бўйича U-17 ёш тоифасидаги Жаҳон чемпионати доирасида юнон-рум кураши беллашувлари ниҳоясига етди.
Мусобақанинг иккинчи куни доирасида Ўзбекистон терма жамоаси аъзолари яна иккита олтин медалга эга чиқишди.
51 кг вазнли Отабек Турсунов финал баҳсида озарбайжонлик Хикмат Хагвардиевни 4:1 ҳисобида мағлуб этди. Терма жамоамизнинг 71 кг вазндаги аъзоси Беҳрузбек Валиев эса олтин медаль йўлида мезбон юрт вакили Димитриос Соулисдан устун келди.
Мусобақанинг дастлабки кунида ҳам икки спортчимиз — Бунёд Ҳасанов (48 кг) ва Абдулазиз Ҳолмирзаев (80 кг) шоҳсупанинг энг юқори поғонасидан жой олганди.
Мазкур тўртта олтин медаль орқали Ўзбекистон U-17 юнон-рум кураши терма жамоаси Жаҳон чемпионатини Эрондан кейин иккинчи ўринда якунлади. Қозоғистон терма жамоаси кучли учликка якун ясаб берди.
Ҳавола :
Манба : olamsport.com
Ўхшаш янгиликлар
16:16
Икки ёш тоифасидаги Осиё чемпионатида 30 та медаль қўлга киритдик ва бу борада ҳам биринчи бўлдик! 0
Фикрлар