Жаҳон кубоги. Жавоҳир Синдаров ҳам 1/8 финалга чиқди

Дунёнинг 206 нафар шахматчиси иштирокида бошланган нуфузли мусобақанинг 1/16 финал босқичида тай-брек ўйинлари ўтказилди. Жавоҳир Синдаров драматик кечган баҳсда хитойлик Ю Янгйини 2,5:1,5 ҳисобида мағлубиятга учратди. Тай-брекнинг биринчи партиясида дуранг натижа қайд этилди. Иккинчи партияда Жавоҳир ажойиб ғалабага эришди ва 1/8 финалга йўл олди. 

Кеча Нодирбек Якуббоев ҳиндистонлик гроссмейстер Венкатеш Пранавни икки ўйин натижасига кўра 1,5:0,5 ҳисобида таслим этиб, нимчорак финал иштирокчисига айланганди. Энди Жавоҳир германиялик Фредерик Свенга, Нодирбек арманистонлик Габриэл Саргиссянга қарши баҳс олиб боради.  

Жавоҳир Синдаров — Ю Ян И (Хитой) - 2,5:1,5

Нодирбек Якуббоев — Венкатеш Пранав (Ҳиндистон) - 1,5:0,5

Эслатиб ўтамиз, Шамсиддин Вохидов ва Нодирбек Абдусатторов учинчи босқичда рақибларига имкониятни бой бериб, жаҳон Кубогидаги иштирокларини якунлаган эди. Улар 11 000 АҚШ доллари миқдоридаги пул мукофотини қўлга киритишди.