Жаҳон кубоги. Нодирбек ҳам 4-босқичга чиқди

Дунёнинг 206 нафар шахматчиси қатнашишни бошлаган нуфузли мусобақанинг 1/32 финал босқичида тай-брек учрашувлари бўлиб ўтди. Нодирбек Якуббоев вьетнамлик таниқли гроссмейстер Тай Ван Нгуэн билан асосий икки партияда 1:1 ҳисобидаги дурангга имзо чекканди. Кеча улар ўртасида ўтказилган ҳал қилувчи тай-брек партияларида Якуббоев номдор рақибини мағлубиятга учратди - 3:1. 

Шу тариқа, икки гроссмейстеримиз Нодирбек Якуббоев ва Жавоҳир Синдаров Жаҳон кубогидаги юришларини давом эттиришади. Синдаров учинчи босқичда грециялик Николас Теодоруни икки ўйин натижасига кўра 1,5:0,5 ҳисобида таслим этиб, тўртинчи давра иштирокчисига айланганди.   

Гроссмейстерларимизнинг тўртинчи босқичдаги рақиблари: 

Жавоҳир Синдаров — Ю Ян И (Хитой)

Нодирбек Якуббоев — Венкатеш Пранав (Ҳиндистон)