Жаҳон тожи учун баҳсда 18 ёшли Гукеш муҳим ғалабани қўлга киритди

2024 йилги жаҳон тожи учун амалдаги жаҳон чемпиони Дин Лижэнь (Хитой) ҳамда даъвогарлар турнири ғолиби 18 ёшли Гукеш Доммараджу (Ҳиндистон) ўзаро баҳс олиб боришяпти. Кеча ўтказилган 11-партияда ҳиндистонлик гроссмейстер муҳим ғалабани қўлга киритди ва умумий ҳисобни 7:6 кўринишига келтирди. 

Бу партияга қадар шахматчилар кетма-кет 7 та учрашувда дурангга имзо чекишган эди. Гроссмейстерлар 14 та партияда ўзаро ҳисоб-китоб қилишади. Ҳисоб дуранг бўлиб қолган тақдирда ғолибни аниқлаш учун қўшимча тай-брекка мурожаат қилинади.  

Эслатиб ўтамиз, Доммараджу ва Лижэн ўртасидаги учрашув 138 йиллик тарихни янгилаган. Яъни, орадан 138 йи ўтиб, икки Осиё вакиллари жаҳон тожи учун ўзаро дона суришяпти. Шунингдек, бу Жанубий-Шарқий Осиё минтақасида ўтказилаётган тарихдаги иккинчи турнир ҳисобланади. Биринчи мусобақа 1978 йили Филиппиннинг Багио шаҳрида ташкил этилган эди.