Жаирзиньо Розенстрайк мағлубиятдан сўнг баёнот берди

У бу мағлубиятини фаолиятимдаги энг ёмони деб атади.

"Мухлисларим, оилам, дўстларим, мен жанг қилдим, аммо, жанг мен ва сиз кутгандек бўлмади", - деди суринамлик жангчи Твиттер`да жойлаштирган видеосида. 

“Агар мендан сўрасангиз, бу фаолиятимдаги энг ёмон жангим деб ўйлайман. Мен ўзимга нисбатан қаттиққўлман ва ҳаммангиздан қарздорлигимни биламан. Уйга қайтаман, навбатдаги жанг учун бор кучим билан машғулот ўтказаман. Мен шуни айта oлaман: Сирил ғалаба қозонди ва феноменал курашчи эканлигини исботлади, мен уни ҳурмат қиламан".

Эслатиб ўтамиз, ўтган ҳафта охирида Лас-Вегасда бўлиб ўтган UFC Fight Night 186 турнирининг асосий жанги - Жаирзиньо Розентсрайк ва Сирил Ган ўртасидаги тўқнашув ҳакамларнинг 50-45 ҳисобида берган баҳоси сабаб францияликнинг ғалабаси билан якунланганди.