Жалоловнинг украиналик рақиби Усик билан муносабатлари ҳақида гапирди

— Александр Усик профессионал боксда ҳамма нарсага эришди. Энди у нима қилиши керак? Чемпион сифатида қолгани маъқулми ёки Жейк Пол билан жанг қилсинми?

— Соғлом фикр, шубҳасиз, буюк боксчилар сингари, унда ҳам бокс қонида, юрагида бор. Усикдек спортчи учун бунга чек қўйиб, кетиб юбориш мумкин эмас. Ҳаммаси Санянинг қандай мақсадларни кўзлаётганига боғлиқ. Аввало, у одамларга эмас, балки ўзига ниманидир исботлаши керак. Натижа қандай бўлишидан қатъий назар, у қандай қарор қабул қилмасин, унга фақат омад тилайман.

— Рингда ёки умуман олганда, Усик билан йўлларингиз кесишганми?

— Бир-биримизни анчадан бери биламиз. Биз бир маротаба йиғилишда учрашиб қолган эдик. Бундан ташқари, қачонлардир мен у билан бир неча раунд спарринг тушганман.

— Қандай хотираларингиз бор?

— Биринчидан, у ажойиб йигит, очиқ ва меҳрибон. У Кривой Рог мажмуасига келиб, ва мураббийим Стас Григорук билан бир муддат ишлаганди. Баколе билан жанг қилишим маълум бўлганида, у қўнғироқ қилиб, мени қўллаб-қувватлаганди. Усик билан ҳар бир учрашув ижобий таассуротлар келтиради. У ҳар доим ҳазил қилиш учун вақт топа олади, бу аниқ.

Эслатиб ўтамиз, Игорь икки кун аввал Баҳодир Жалоловга қарши жанг ўтказиб, очколар ҳисобига кўра мағлуб бўлганди.