19 мар 13:09
Янгиликлар

Бокс/ММА

Жангига 11 кун қолганида Тим Цзюнинг рақиби ўзгарди (+Постер)

30 март куни АҚШнинг Лас-Вегас шаҳрида навбатдаги профессионал бокс оқшоми ташкил этилади.

PBC компанияси томонидан ташкил этилаётган ушбу оқшомнинг марказий жанги супер ярим ўрта вазн тоифасида WBO чемпиони, австралиялик Тим Цзю (24-0-0) ҳамда америкалик Кит Турман (30-1) ўртасида кечиши лозим эди.

Бироқ жангга 11 кун вақт қолганида Кит Турман жароҳат сабабли ушбу оқшомда рингга чиқа олмайдиган бўлди. Цзюга эса 30 март куни собиқ Жаҳон чемпиони Себястьян Фундора рақиблик қиладиган бўлди.

Маълумот учун, жангга нафақат Цзюнинг WBO камари, балки вакант бўлиб турган WBC камари ҳам ўртага қўйилади.

Эслатиб ўтамиз, ушбу вазн тоифасида WBA камари ҳамюртимиз Исроил Мадримовга тегишли.