"Жаско Коач" Мурадовнинг Брайан Барберена билан жангдаги имкониятлари ҳақида гапирди + ВИДЕО

"Бу Маҳмуд учун сўнгги имкон бўлиши мумкин. Ўзи шартнома бўйича иккита жанг қолган дейишган эди, лекин бу сўнггиси. Рақибида ҳам сўнгги имконият. Маҳмуднинг имкониятини у қадар юқори деб ўйламайман. Чунки рақиби ҳам жуда тажрибали. У кўп спортчилар билан жанг қилган, жумладан Леон Эдвардс билан. Яқинда Рафаэль дос Аньосга ютқазган эди. У 77 кгдан 84 га ўтмоқда. Бу Маҳмудга осон бўлади, деб ўйламайман. Чунки рақиби тажрибали. Лекин имкониятлари бор. Вазн ва зарба техникаси борасида. Энди Маҳмуд қанақа тактика тайёрлаяпти, бу ҳақда тўлиқ маълумотга эга эмасман. Брайан асосан кураш эвазига ютқазган. Лекин Маҳмуд унга қарши кураш қилади, деб ўйламайман. Чунки ҳамма ҳам ўзининг "фишка" услубини ишлатади.

Лекин Борральо билан жангдан кейин Маҳмуд Мурадов ҳам курашга эътибор берган бўлса керак?

"Айни дамда курашга эътибор жуда катта. Мен кеча ҳам ўзи билан гаплашганимда, "Асосан кураш қиляпмиз, "стойка"да керакли зарбалар, техникалар қўйиш борасида ишлаяпмиз" деди. Кўрган бўлсангиз, Борральо билан ҳам яхши курашди. Кўп вазиятлардан чиқиб кета олди, унақасига Борральо унча-мунчасини қўйиб юбормайдиган жангчи, лекин ишлади ва мана қўлидан келди. 

Бироқ Борральога қарши жангда Мурадов партерда кўпроқ вақт ўтказган эди...

"Ҳа, шунақа. 3-раундда агар кўрган бўлсангиз, охирги имкониятинг, қўлингдан келганини қилиб "стойка"да ишла, десам, курашга кирди. Энди мени гапимни эшитдими, ё бошқа мураббийни гапини эшитдими, билмадим-у, курашга кириб, ўз кучини курашда синади. Тейкдаун қилмоқчи бўлди, ўхшамай қолди. Энди бу ҳам лотерея, қачон ютади, қачон ютқазади, билиб бўлмайди. Шунақа спортчиларни кўрганмиз, учинчи раундда ҳам ютиб турган жойида битта зарба билан ютқазиб қўйганини.