Жастин Гэтжи: "Январь ойида Топурияга қарши жанг қилиш имконсиз, аммо..."

Аммо у ушбу жанг январь ойида Лос-Анжелесдаги рақамли турнирда бўлиб ўтади, деб ўйламаяпти.

"Кейинги сафар мен Илия Топурия октагонга чиқадиган турнирда жанг қилмоқчиман. Жангимиз январь ойида бўлиб ўтади, деб умид қилгандим, аммо энди бунинг иложи йўққа ўхшайди. Энг катта савол - Илия яна қачон "қафас"га киради? Мен унинг жавобини билмайман. Ҳозирча энг яхши сценарий - бизни Оқ уй кардига қўшиш.

Тасаввур қилолмаяпман, нима учун улар бу жангни байрамона кардга киритмасликлари керак? Илия чемпион, у жуда машҳур, мен эса америкаликман ва бунга енгил дивизиондаги бошқалардан кам лойиқ эмасман. Мен ҳеч қачон жангларни тўхтатмаганман, ҳеч қачон UFC’га панд бермаганман ва ҳар доим ишда бўлганман. Шундай экан, мен бу жангни қўлга киритиб, Оқ уйда Америка Қўшма Штатлари шарафини ҳимоя қилиш ниятидаман", - деди америкалик ижтимоий тармоқдаги саҳифасида. 

Бир кун аввал Лига раҳбари Дана Уайт Илия Топурия ва Пэдди Пимблетт ўртасидаги жанг ҳақидаги миш-мишларга изоҳ бериб, ташкилотнинг энг яхши жангчиси қачон, қаерда ва кимга қарши октагонга чиқиши масаласи ҳали тўлиқ ҳал этилмаганини ва бир вақтнинг ўзида бир нечта вариантлар кўриб чиқилаётганини айтганди.

Маълумот учун, дунёнинг энг кучли Лигаси АҚШ мустақиллигининг 250 йиллигини нишонлайдиган Оқ уйдаги UFC байрам турнири 14 июнь куни бўлиб ўтади.