Жасур Жалолиддинов: "Италияга кетиш имкониятларим анча пасайиб кетди, сабаби..."

Мулоқот давомида Жасур Жалолиддинов Италиянинг “Беневенто” жамоасига ўтиши ҳақидаги саволга атрофлича жавоб берди.

“Очиғини айтадиган бўлсам Италияга кетишимни имкониятлари анча пасайиб кетди. Одлдин 50/50 бўлиб турганди. Ҳозирда Италия А серияси тугул, Б сериясини ҳам қачон бошланиши аниқ эмас. “Бенвенто”ни А серияга чиқиши номаълум. Ҳали мамлакат футболи раҳбарлари бир қарорга келгани йўқ. Шунинг учун у ерга боришимни фоизда айтадиган бўлсам деярли кам.

Тўғрисини айтсам ҳамма гап “Бунёдкор” раҳбариятида. Агар карантин, коронавирус бўлмаганида туғилган кунимни эртаси куни қайсидир жамоага ўтиб кетишим ҳам мумкин эди. Молдова, Сербия чемпионатларига бормайман. Имконият келиб турганда иложи борича кучлироқ чемпионатга боришга ҳаракат қиламан.

Қайсидир жамоа билан расман келишмасимдан олдин оммага тарқалиб кетишини хоҳламайман. Масалан, “Беневенто”га ўхшаб ҳал бўлмай қолса одамлар нотўғри ўйлаши мумкин. Бирон бир жамоага ўтмасимдан олдин хабарлар тарқалишини нотўғри деб ҳисоблайман",- дейди иқтидорли ёш футболчи.

Жасур Жалолиддинов ўтган мавсумда 20дан ортиқ учрашувда 3та гол урди ва жамоадошларининг кўплаб голларига ассистентлик қилди. Жорий мавсумда эса Суперлигада 3та учрашувда майдонга тушди ва битта гол урди аниқроғи иккинчи турда "Машъал" дарвозасига киритган тўпи "Бунёдкор"га уч очко олиб келди.