26 ноя 17:00
Янгиликлар

Шахмат

Жавоҳир Синдаров Жаҳон кубоги ғолиблиги орқали қанча пул ишлаб олди?

Ҳиндистоннинг Гоа шаҳрида шахмат бўйича FIDE Жаҳон кубоги ўз якунига етди.

Ушбу мусобақада ҳамюртимиз Жавоҳир Синдаров барча рақибларини мағлубиятга учратиб, Жаҳон кубоги ғолибига айланди. Бу орқали гроссмейстеримиз келаси йили Кипрда ўтказиладиган даъвогарлар турнирида ҳам иштирок этиш ҳуқуқини қўлга киритди.

Мазкур муваффақият орқали Синдаров 120 минг АҚШ доллари миқдорида пул мукофотига эга бўлди.

Шунингдек, Ўзбекистон Республикаси Президентининг 2022 йил, 5 августдаги ПҚ-347-сонли қарорига мувофиқ, базавий ҳисоблаш миқдорининг 300 баравари миқдорида пул мукофоти берилади. Бугунги кунда БҲМ 412 минг сўмни ташкил этади. Демак, Ўзбекистон ҳукумати томонидан бериладиган пул миқдори 123 миллион 600 минг сўмни ташкил этади.