Жавоҳир Умматалиевнинг Лондондаги рақиби испаниялик бўлади

Аввал хабар берганимиздек, ҳамюртимиз 17 октябрь куни Буюк Британия пойтахти Лондон шаҳридаги O2 Arena мажмуасида ташкил этиладиган проф бокс оқшомида рингга чиқади. 

Boxrec порталининг маълум қилишича, Умматалиевга ўша куни испаниялик Атакайте Сантана рақиблик қилади. Жанг ярим оғир вазн тоифасида ўтказилади.

Маълумот ўрнида, Жавоҳир Умматалиев проф боксдаги фаолияти давомида ҳозирча 2 та жанг ўтказиб, ҳар иккисида зафар қучган. 23 ёшли Сантана ҳисобида эса 4 та ғалаба ва 3 та мағлубият бор.

Ушбу мусобақанинг марказий жанги супероғир вазн тоифасида британиялик боксчилар - Даниэль Дюбуа ва Фабио Уордли ўртасида кечади.