18 дек 08:27
Янгиликлар

Футбол

ЖЧ-2022. Бугун ЖЧ-2022 ғолиби аниқланади

Бугун, 18 декабрь куни Қатардаги Жаҳон чемпионатининг ҳал қилувчи финал учрашуви бўлиб ўтади.

Жаҳон чемпиони номини аниқлаб берадиган Аргентина - Франция учрашуви Тошкент вақти билан соат 20:00 да “Лусайл” стадиони бошланади. Уни польшалик Шимон Марчиняк бошчилигидаги ҳакамлар бригадаси бошқариб боради.

Аргентина 5 та финалнинг 2 тасида (1978, 1986) муваффақият қозонган, французлар эса 3 та финалнинг 2 тасида (1998, 2018) зафар қучган. Шунингдек, “уч ранглилар” 2 та бронза (1958, 1986)ни қўлга киритган ва бир бор кучли тўртликдан (1982) жой олган.

Эслатиб ўтамиз, Аргентина ҳамда Франция ўзаро 13 марта тўқнаш келган. Улардан 7 тасида жанубий америкаликлар, 3 тасида европаликларнинг қўли баланд келган. Қолган уч баҳсда нурсиз дуранглар қайд этилган.