Жек Делла Маддалена: "Махачевни қўрқинчли туш кутмоқда"

Австралиялик чемпион ўзини жангда аутсайдер деб ҳисоблашаётгани аксинча унинг фойдасига хизмат қилишини таъкидламоқда.

"Менда кўникмалар бор. Бу спорт турида ҳар ким исталган рақибга оғир жанг бериши мумкин. Агар у оғир жангни кутмаса, уни қаттиқ "уйғониш" кутади. Мен ҳали ҳам ўзимни андердог деб ҳис қиламан. Менда андердог менталитети бор - мен ҳамма нарсани исботлашим керак. Бир сўз билан менга аутсайдер роли ёқади", - деди австралиялик Нью-Йоркда матбуот ходимлари билан мулоқотда.

Шу билан бирга, чемпион UFC 322 турнирининг асосий жанги у учун осон бўлмаслигини ҳам билади.

"Ислам билан беш раунд жанг - қайсидир лаҳзада партерга тушишингни биласан. Бу усул жангларда синовдан ўтган, енгил вазннинг энг яхши йигитлари билан жанг қилган, шунинг учун партерга тайёр бўлиш керак. Идеал ҳолат - масофа сақлаш ва партерга тушиб қолмаслик. Биз аралаш яккакурашлар бўйича тўлақонли жангни кутяпмиз, унда сиз барча маҳоратингизни кўрсатишингиз керак бўлади", - дея қўшимча қилди Маддалена.