31 окт 16:58
Янгиликлар

Футбол

Женнаро Гаттузо А серияда иш бошлаши мумкин

Sky Sport Italia нашри хабарига қараганда, италиянинг "Удинезе" клуби бош мураббийи Игор Тудор истеъфога чикарилиши мумкин.

Бунга сабаб сифатида жамоа А сериянинг сўнгги икки учрашувида йирик ҳисобда мағлубиятга учрагани ("Аталанта"дан 1:7 ва "Рома"дан 0:4) айтиляпти. "Удинезе" мураббийлигига асосий номзод сифатида эса "Милан" клуби собиқ устози Женнаро Гаттузо кўрилмоқда.

Таъкидлаш лозимки, "зебралар" мусобақа жадвалининг 14-поғонасида бормоқда ва уларни аутсайдерлар зонасидан 3 очко ажратиб турибди.