Жессика Пегула National Bank Open чемпионлигини ҳимоя қилди

Мусобақанинг амалдаги ғолибаси Жессика Пегула ўз чемпионлик унвонини муносиб тарзда ҳимоя қилди. Дунёнинг олтинчи ракеткаси бўлиб турган америкалик теннис маликаси ҳал қилувчи финал учрашувида WTA рейтингида 132-поғонадан жой олиб турган ватандоши Аманда Анисимовани уч сет натижасига кўра мағлубиятга учратди - 6/3, 2/6, 6/1.

Америкалик теннисчиларнинг ўзаро учинчи учрашувида ҳам Аманда ғалаба қозонди - 3:0. Тўқсон дақиқа давом этган баҳсда Пегула 6, Анисимова 2 та эйс зарбасини амалга оширган. Қўшхатолар Амандада кўпроқ бўлди - 9 га 4. Брейклар бўйича устунлик 4 га 2 кўринишида чемпион фойдасига!

Шу тариқа, Пегула фаолиятидаги олтинчи совринини қўлга киритди. Шундан тенг ярми WTA 1000 тоифасига кирувчи турнирлар бош соврини. National Bank Open турниридаги муваффақиятли иштирок Пегулага 1000 рейтинг очкои ҳамда 523,485 АҚШ доллари миқдорида мукофот пули келтирди.