Жейк Пол Фрэнсис Нганнунинг жангга "йўқ!" деганига муносабат билдирди

Шунга қарамай, америкалик блогер навбатдаги рақиби айнан камерунлик оғир вазнли аралаш яккакураш устаси бўлишига шубҳа қилмаяпти.

"Азизим Фрэнсис, боксда сени хўрлашганини ва Жейк Полга ютқазиб қўйишдан қўрқаётганингни айт. Мен буни қабул қиламан. Сен осон иш экансан, дўстим. Жуда бўш, лапашанг, бир жойда туриб қолдинг", - деб ёзди Пол ижтимоий тармоқда "Йиртқич"нинг TMZ нашрига берган интервьюсига муносабат билдирар экан.

"Танлов қил, йигитча. Майк Тайсон билан қилган ишинг учун сени ўрнингга қўядиган одам кераклигига қўшиламан, лекин ўз йўлингдан қолма", - дея жавоб қайтарган собиқ UFC чемпиони.

"Мен сени қайта-қайта ҳимоя қилдим. Бошқа ичмайман. Кўзгуда ўзингга қара. Худо хунукликни ёқтирмайди. Сен ўзингни авлиё ва маънан бенуқсон қилиб кўрсатадиган, аслида эса шунчаки роль ўйнайдиган ва фақат ўзини ўйлайдиган мунофиқсан. TMZ’га фирибгар сифатида интервью бериб, мен ҳақимда гапиргандан кўра, ўз платформасидан фойдаланиб, ўз мамлакати ёшлари ҳақида гапирганим маъқул. Ҳақиқатни текшириб кўр. Мен сени боксда ухлатиб қўяман, Жон Жонс эса ММАда шундай қилади. Кичикми, ўртача, катта ёки XL - менга фарқи йўқ!", - деб жавоб берди америкалик блогер.

Эслатиб ўтамиз, 15 ноябрь куни Жейк Пол Жервонта Дэвисга қарши бокс жанги ўтказиши керак эди. Аммо официантга ҳужум қилишда гумон қилинган енгил вазн тоифасида амалдаги жаҳон чемпиони Жервонта Дэвисга қўйилган айбловлар туфайли жанг расман бекор қилинди.

Тахминларга кўра, америкалик декабрь ойида рингга қайтади. Унинг ўрнига Фрэнсис Нганнудан ташқари Райан Гарсия, Теренс Кроуфорд ва Нейт Диас номзодлари ҳам кўриб чиқилмоқда.