08 мар 11:36
Янгиликлар

Бокс/ММА

Жейк Пол: "Майкни уйқуга жўнатадиган вақт келди"

Кечаги куннинг энг кутилмаган янгилиги америкалик блогер-боксчи Жейк Полнинг афсонавий Майк Тайсонга қарши жанг ўтказиши бўлди.

Пол 20 июль куни ўтказиладиган ушбу тарихий жангга муносабатини билдирди.

"Бу жангни ортиқча реклама қилиш ҳам шарт эмас. Бу - XXI асрнинг энг катта жанги. Америкадаги энг катта стадионда ташкил этиладиган жангни дунёнинг энг катта стриминг платформаси трансляция қилади. Бокс мухлиси бўлмасангиз ҳам бу жангни ўтказиб юборманг. 20 июль санасини сабрсизлик илк кутяпман. Барча даврларнинг афсонаси Майк Тайсонни ухлашга жўнатадиган вақт етиб келди. Мен чемпион бўлишни мақсад қилганман. Барча даврларнинг энг қўрқинчли боксчиси бу йўлда мен учун катта синов бўлади", — деди Пол ўзининг ижтимоий тармоқдаги саҳифасида.