Жейк Пол Перейрага жанг таклиф қилди: "У рози, лекин UFC халақит бермоқда"

Ҳатто Алекс Перейра жамоаси билан бокс бўйича жанг юзасидан дастлабки музокараларни ҳам ўтказган.

"Биз Алекс Перейрага жанг таклиф қилдик. Унинг жамоаси бунга рози. Менимча, бу жангга халақит бераётган ягона нарса - UFC. Бу жуда катта жанг бўларди ва биламанки, Алекс буни ўтказишга қарши эмас. Мен уни енгган бўлардим - 1000% ишончим комил. Агар қачондир Дана Уайт ўз жангчиларидан бири Жейк Полни мағлуб эта олишига ишончи комил бўлганида, у бу жангни 100 фоиз қўллаб-қувватлаган бўларди", - деди америкалик ESPN’га берган интервьюсида.

Жейк Пол аслида 14 ноябрь куни бокс бўйича енгил вазн тоифасида жаҳон чемпиони Жервонта Дэвисга қарши жанг ўтказиши керак эди. Бироқ "Танк" официантга ҳужум қилиш ва калтаклашда айбланганидан кейин жанг бекор қилинганди. Полнинг 12 ёки 19 декабрь куни номи тез орада эълон қилинадиган рақибга қарши жанг ўтказиши режалаштирилган.