21 дек 10:20
Янгиликлар

Бокс/ММА

Жейк Пол синган жағини даволаганидан кейин биринчи оғир вазнга қайтади

Америкалик актёр ва блогер Жейк Пол профессионал боксдаги фаолиятини биринчи оғир вазн тоифасида давом эттириш ниятида.

Пол кеча супероғир вазн тоифасида собиқ жаҳон чемпиони британиялик Энтони Жошуага олтинчи раунддаги нокаут эвазига ютқазганди. Жангдан сўнг Жейк касалхонага ётқизилди, шифокорлар унга жағ суягининг икки жойидан синиши ташхисини қўйишди.

"Биз синган жағни даволаб қайтамиз ва ўз вазнимдаги боксчилар билан жанг қиламиз. Мен биринчи оғир вазн тоифасида жаҳон чемпиони унвони учун курашмоқчиман. Ҳозирча озгина танаффус қиламан... Олти йил давомида оғир режимда муваффақиятли ишладим", - дея Полнинг сўзларини келтиради BBC.

Эслатиб ўтамиз, Жошуага қарши жангдан олдин 28 ёшли Жейк биринчи оғир вазн тоифаси WBA рейтингида 14-ўринни эгаллаб турганди.