27 июн 13:35
Янгиликлар
Бокс/ММА
Жейк Пол: "WBA ва WBC мени рейтингга киритиш устида ишламоқда"
Блогер/боксчи Жейк Пол (11-1, 7 КО) собиқ Жаҳон чемпиони Хулио Сезар Чавес (54-6-1, 34 КО) билан жангдан умидлари билан ўртоқлашди.
"Мақсадим жаҳон чемпиони бўлиш. WBA ва WBC мени кўрсаткичларимга қараб рейтингга киритишни режалаштирмоқда. Рейтингга кирганимдан кейин чемпионлик учун кураша оламан. У жиддий рақиб, собиқ жаҳон чемпиони. Бу ажойиб синов — якунда чемпионлик жангига тайёргарлик кўриш учун ўн раунд", дейди Пол.
WBC қоидаларига кўра, чемпионлик жанги учун даъвогар энг яхши 15 та боксчи киритилган рейтингдан жой олиши керак. Оғир вазн тоифасида чемпионлик камари Баду Жекка тегишли.
WBA ташкилоти эса боксчиларни бир қанча мезонлар, жумладан, уларнинг рекорди, фаоллиги ва рақиблари даражасига қараб баҳолайди. Бундан ташқари, WBA рейтингига кириш учун спортчи камида иккита ўн раундлик жанг ўтказиши керак.
Ҳавола :
Манба : The Sun
Фикрлар