“Жисмоний тайёргарлик даражалари” махсус тест синовлари мусобақа тарзида ташкил этилди

Вилоят жисмоний тарбия ва спорт бошқармаси тасарруфидаги  Мирзабод, Оқолтин туманлари ҳамда Ширин шаҳри болалар-ўсмирлар спорт мактаблари директорлари, директор ўринбосарлари, йўриқчи-услубчилар, спорт турлари бўйича тренерлар ва ишчи ходимлар иштирокида  “Шахсий намуна” тамойили асосида ўзларининг антропометрик кўрсаткичларини яхшилашга қаратилган “Жисмоний тайёргарлик даражалари” махсус тест синовлари мусобақа тарзида ташкил этилди.

“Жисмоний тайёргарлик даражалари” спортнинг енгил атлетика, оғир атлетика турлари бўйича: турникка тортилиш, 100 ва 200 мтр масофага югуриш, чалқанча ётган ҳолда гавдани кўтариш (пресс), полга таянган ҳолда қўлларни букиб ёзиш (оджимания) бўйича ўтказилган бўлса, мусобақалар спортнинг шахмат-шашка, стол тенниси ва волейбол турлари бўйича ўтказилди.

Спорт тадбирлари якунида  норматив талабларни бажарган ҳамда фаол деб топилган иштирокчилар болалар-ўсмирлар спорт мактаблари раҳбарияти томонидан эсдалик совғалар билан тақдирланишди.